1. Informacioni që mbledhim
Kur përdorni Asistenti.ai, ne mbledhim informacionin e mëposhtëm:
- Informacion regjistrimi (emri i biznesit, email, numër telefoni)
- Bisedat e chatbotit me klientët tuaj (për të ofruar shërbimin)
- Të dhëna përdorimi (numri i bisedave, mesazheve)
2. Si i përdorim të dhënat
Të dhënat tuaja përdoren vetëm për:
- Ofrimin e shërbimit të chatbotit AI
- Përmirësimin e cilësisë së shërbimit
- Komunikimin me ju mbi llogarinë tuaj
3. Ndarja e të dhënave
Ne nuk shesim dhe nuk ndajmë të dhënat tuaja personale me palë të treta, përveç kur kërkohet nga ligji ose për ofrimin e shërbimit (p.sh. Meta/WhatsApp për dërgimin e mesazheve).
4. Siguria e të dhënave
Të dhënat tuaja mbrohen me enkriptim dhe masa të tjera sigurie teknike. Aksesi në të dhëna kufizohet vetëm për personelin e autorizuar.
5. Të drejtat tuaja
Ju keni të drejtë të:
- Kërkoni akses në të dhënat tuaja
- Kërkoni fshirjen e të dhënave tuaja
- Eksportoni të dhënat tuaja
- Anuloni llogarinë tuaj në çdo moment
Të dhënat e Google (Google Calendar)
Nëse zgjidhni të lidhni Google Calendar-in tuaj, Asistenti.ai akseson të dhënat tuaja të Google përmes Google API-ve si më poshtë:
- Të dhënat e aksesuara: ngjarjet e kalendarit tuaj (scope "calendar.events") — lexohen për të kontrolluar disponibilitetin brenda orarit tuaj të rezervimeve dhe shkruhen për të krijuar takime kur konfirmohet një rezervim.
- Si i përdorim: ekskluzivisht për funksionin e rezervimeve që ju aktivizoni — kontrollin e orareve të lira dhe krijimin e takimeve në emrin tuaj. Nuk i përdorim për reklama, profilizim apo qëllime të tjera.
- Ruajtja dhe mbrojtja: ruajmë vetëm token-in OAuth (i mbrojtur në serverët tanë) dhe ID-të/detajet e takimeve të krijuara përmes shërbimit tonë. Nuk kopjojmë dhe nuk ruajmë pjesën tjetër të kalendarit tuaj.
- Ndarja: nuk i shesim kurrë të dhënat e Google dhe nuk i ndajmë me palë të treta, përveç nën-procesorëve rreptësisht të nevojshëm për funksionimin e shërbimit (p.sh. ofruesi i hostimit), nën detyrime konfidencialiteti.
- Aksesi njerëzor: asnjë person nuk i lexon të dhënat e kalendarit tuaj, përveçse me pëlqimin tuaj të qartë për suport, ose kur kërkohet për siguri apo detyrime ligjore.
Mund ta shkëpusni Google Calendar-in në çdo kohë nga paneli (Calendar → Disconnect) — kjo fshin token-in e ruajtur — ose të revokoni aksesin nga llogaria juaj Google te myaccount.google.com/permissions.
Përdorimi dhe transferimi i informacionit të marrë nga Google API-të nga ana e Asistenti.ai përputhet me Google API Services User Data Policy, përfshirë kërkesat e Përdorimit të Kufizuar (Limited Use).
Njerëzit që i shkruajnë asistentit tonë (Messenger, Instagram, WhatsApp)
Ky seksion është për ju që i shkruani vetë asistentit tonë në Facebook Messenger, në Instagram ose në WhatsApp, ose që lini koment nën postimet tona. Seksionet më sipër janë për bizneset që blejnë platformën.
1. Kush i mban të dhënat tuaja
GOSYSTEM SHPK, NUIS L61425022C, Rr. Gjergj Kastrioti, Nd. 4, H. 12, Ap. 19, Vlorë, Shqipëri. Administrator: Erjon Nauni.
«Asistenti i Mundësive» është shërbim privat i GOSYSTEM SHPK. Nuk është zyrë shtetërore dhe nuk flet në emër të shtetit.
2. Kur ju shkruajmë
Në Messenger dhe në Instagram ju përgjigjemi vetëm pasi na shkruani ju, ose pasi lini koment nën një postim tonin (në atë rast ju dërgojmë të shumtën një mesazh privat).
Në WhatsApp ju shkruajmë në bisedën që e keni nisur ju. Nëse heshtni pas përgjigjes sonë, mund t'ju dërgojmë një mesazh të dytë, një herë. Nëse jeni regjistruar për vëzhgimin mujor, ju dërgojmë njoftimet e tij deri në mbarim të afatit ose derisa ta ndaloni.
3. Po flisni me një program
Përgjigjet i shkruan një program me inteligjencë artificiale. Kur e pyesni, ai është udhëzuar ta pranojë hapur.
4. Çfarë ruajmë
Në të tri kanalet:
- tekstin e mesazheve tuaja dhe të përgjigjeve tona, me datën dhe orën;
- kodin e përdoruesit që na jep Meta (Messenger, Instagram) ose numrin tuaj të telefonit (WhatsApp);
- emrin e profilit tuaj, kur Meta na e jep;
- komentet që lini nën postimet tona, me emrin e profilit;
- përmbledhje dhe shënime që programi ynë shkruan për bisedën, për të kontrolluar cilësinë.
Vetëm në WhatsApp:
- fotot, dokumentet dhe mesazhet zanore që na dërgoni, si edhe përshkrimin me tekst që programi bën për to (mesazhi zanor kthehet në tekst);
- vendndodhjen, vetëm nëse na e dërgoni vetë;
- emrin, atësinë dhe mbiemrin që na shkruani për kontrollin e listave të legalizimit, dhe fshatin ose zonën që na jepni për vëzhgimin;
- të dhënat e porosisë dhe të pagesës: shumën, datën, kodin e pagesës. Numrin e kartës nuk e shohim: e shkruani te faqja e institucionit të pagesës;
- kur paguani me mandat bankar, foton e mandatit. Për çdo bankë mund të mbajmë deri në 3 foto mandatesh të konfirmuara si shembull, që të kontrollojmë mandatet e ardhshme; ato nuk shfaqen askund.
Messenger dhe Instagram: fotot, zërin dhe skedarët që dërgoni aty nuk i marrim fare. Programi ynë lexon vetëm tekstin.
Nuk kemi asnjë fushë për numër personal, datëlindje apo adresë banimi. Nëse i shkruani vetë në bisedë, ato ruhen si pjesë e tekstit.
5. Pse i përdorim
- Që t'ju përgjigjemi dhe të kryejmë shërbimin që kërkoni.
- Që të mbajmë provën e porosisë dhe të pagesës, siç kërkon ligji tatimor dhe i kontabilitetit.
- Që të kontrollojmë cilësinë e përgjigjeve dhe të gjejmë gabimet tona.
Nuk i përdorim mesazhet tuaja për reklama dhe nuk ia shesim askujt.
6. Sa kohë i mbajmë
- Fotot, dokumentet dhe mesazhet zanore (WhatsApp): skedarin e fshijmë automatikisht pas 40 ditësh. Përshkrimi me tekst i tyre mbetet në bisedë.
- Fotot e mandateve që mbahen si shembull për bankën: derisa të zëvendësohen nga një mandat më i ri, ose derisa të kërkoni fshirjen.
- Bisedat, emrat, numrat dhe të dhënat e tjera: ruhen pa afat të caktuar dhe fshihen kur ju e kërkoni (§8).
- Të dhënat e pagesës: aq sa kërkon ligji tatimor dhe i kontabilitetit.
7. Kujt ia besojmë
Këto shërbime i shohin të dhënat vetëm sa për të kryer punën e tyre për ne:
- Meta (Messenger, Instagram, WhatsApp): mesazhi juaj kalon patjetër përmes tyre.
- Modele AI: shkruajnë dhe kontrollojnë përgjigjet, lexojnë fotot dhe dokumentet, kthejnë zërin në tekst dhe përmbledhin bisedën. U shkon teksti i bisedës dhe skedarët që dërgoni.
- Railway: serverët dhe baza e të dhënave.
- Ruajtja e skedarëve (shërbim i pajtueshëm me S3, Cloudflare R2): fotot, dokumentet, raportet PDF.
- POK / RPAY SH.P.K. dhe PayPal: pagesat, vetëm në WhatsApp.
- Resend: email-i ynë i brendshëm i përditshëm, me njoftime teknike që mund të përmbajnë një copë të bisedës.
- Sentry: njoftimi i gabimeve teknike, pa të dhëna personale të shtuara nga ne.
Disa prej këtyre shërbimeve, përfshirë modelet AI, i përpunojnë të dhënat jashtë Shqipërisë.
Të dhënat tuaja nuk ua japim institucioneve shtetërore me nismën tonë. Ua japim vetëm kur na detyron një kërkesë e ligjshme.
8. Të drejtat tuaja
Keni të drejtë të na pyesni çfarë mbajmë për ju, të kërkoni korrigjimin, një kopje, ose fshirjen. Si kërkohet fshirja: https://asistenti.ai/data-deletion
Mund të ankoheni te Komisioneri për të Drejtën e Informimit dhe Mbrojtjen e të Dhënave Personale (idp.al). Përpunimi bëhet sipas ligjit nr. 124/2024 «Për mbrojtjen e të dhënave personale».
9. Si na gjeni
Shkruani te albachips@gmail.com. Ju përgjigjemi brenda 30 ditësh.
10. Listat publike të legalizimit
Shërbimi ynë lexon njoftimet publike që ASHK i boton vetë në internet, dhe mban një kopje që kërkimi të jetë i shpejtë. Aty ka emra, atësi dhe mbiemra, ashtu siç i ka botuar ASHK. Ne nuk i ndryshojmë dhe nuk i shesim.
© 2026 Asistenti.ai — Të gjitha të drejtat e rezervuara.